'அரசியல் ஆறு'

இந்த அப்பாவி மனுசன சும்மா 'அக்கடா'ன்னு இருக்க வுடாம, என்னமோ 'ஆறு' போடுற வெளயாட்டாமே, அதுல இழுத்து வுட்டுட்டாரு நல்லடியாரு. சின்னபுள்ளத் தனமால்ல இருக்கு!

இருந்தாலும், நம்மள மதிச்சு ஆட்டத்துல சேத்துக்கிட்டதால, சமீபத்துல நான் ரொம்ப ரசிச்ச 'அரசியல் ஆறை' சொல்றேன். கேட்டுக்குங்க!

1. வைகோவையும், சரத்குமாரையும் (கொசுறாக ராதிகாவும்..) தம் பக்கத்தில் வரவழைத்து, திமுக கூட்டணியை 'கலகல'க்க வைத்த அம்மாவின் 'தில்லு'.

2. 'தமிழக மக்களுக்கு நான் என்னையே இலவசமா தர்றேன்'ன்னு சொல்லி, கூடவே 'இதே போன்ற அறிவிப்பை எதிரணியினர் செய்ய முடியுமா?'ன்னு கேட்ட கலைஞரின் 'ஏ' க்ளாஸ் 'பஞ்ச்'.

3. கலைஞரின் இலவச அரிசி அறிவிப்பை கடுமையா தாக்கி பேசின சூடு ஆறுமுன்னாலே 'அம்மா' அதைவிட சூப்பர் அறிவிப்பு வெளியிட்டதால, வைகோ வாங்குன 'ஜகா'.

4. வைகோ - தயாநிதி மாறனின் 'ஆம்பளையா நீ?' 'ஒண்டிக்கு ஒண்டி வர்றியா நைனா?' போன்ற 'வீர வசனங்கள்'.

5. நடிகை சிம்ரனின் 'வோட் ஃபார் ட்டூ லீவ்ஸ்' என்ற 'செந்தமிழ் சூறாவளி பிரச்சாரம்'.

6. இடுப்பு பேக், கூலிங் கிளாஸ் சகிதமா தேர்தல் களத்தை ஒரு கலக்கு கலக்குன நடிகர் கார்த்திக்.

அவ்ளோவ்தான்..! ஆள வுடுங்கப்பு..!