அட விடுங்கப்பா ரஜினியை!

நானும் ரஜினி ரசிகன்தான்..! ரஜினி ஒரு நல்ல entertainer. லாஜிக் பத்தியெல்லாம் யோசிக்கலேன்னா அவரோட படங்களை யார் வேணாலும் ரசிச்சு பார்க்கலாம். அவர் ஒரு நடிகர். காசு வாங்கிக்கிட்டு அவர் அந்தத் தொழிலை செய்கிறார். ஒரு பஸ் டிரைவர், ஒரு அலுவலக குமாஸ்தா, இவங்கள்லாம் சம்பளம் வாங்கிட்டு அவங்களுக்கு தெரிஞ்ச வேலையை செய்யுறாங்க. அதைப்போல ரஜினியும் தனக்குத் தெரிந்த நடிக்கும் வேலையை நல்லாவே செய்றாரு. ஒரே ஒரு வித்தியாசம், மத்தவங்களை விட ரஜினியை மக்களுக்கு நல்லா தெரியும். என்னை மாதிரி ரொம்பப் பேருக்கு அவரோட நடிப்பு பிடிக்கும். அவருக்குத் தெரிஞ்ச வேலையை (மட்டும்) அவரை பார்க்க விடுங்களேன்!

எங்க ஊர் டவுன் பஸ் டிரைவரை எனக்கு நல்ல பழக்கம். நல்லா சிரிச்சு சிரிச்சு பேசுவார். நான் எங்கே நின்று கையைக் காட்டினாலும் பஸ்ஸை நிறுத்தி என்னை ஏற்றிச் செல்வார். அதுக்காக, "தலீவா, எனக்கு வயிற்று வலி.. அடுத்த ஞாயித்துக் கிழமை உன் வூட்டுக்கு வர்றேன்.. ஒரு ஆபரேஷன் பண்ணி வுட்ரு என்னா?" என்று அவரிடம் கேட்பேனா? யோசிச்சுப் பாருங்கப்பா!